د ښار جوړولو او ځمکو وزارت سرپرست د ستانکزي ښارګوټي له یو شمېر اوسېدونکو سره وکتل
20/02/1444
د ښار جوړولو او ځمکو وزارت محترم سرپرست مولوي حمدالله نعماني د کابل ښار په اتمه ناحیه کې د ستانکزي استوګنیز ښارګوټي له یو شمېر اوسېدونکو سره وکتل او د هغوی د ستونزو د حل په اړه یې ورسره خبرې اترې وکړې.
د ستانکزي د ښارګوټي اوسېدونکو د ياد ښارګوټي د اوسني وضعيت په اړه معلومات ورکړل او د نوموړي ښارګوټي د اوسېدونکو ستونزې يې د دې وزارت له سرپرست سره شريکې کړې.
د ښار جوړولو او ځمکو وزارت محترم سرپرست وزیر مولوي حمدالله نعماني د ستانکزي ښارګوټي د اوسیدونکو د ستونزو او مشکلاتو د حل په موخه هغوی ته لازمې مشورې او د حل لارې په ګوته کړې، چې په عملي کولو سره به یې شته ستونزې حل شي.
د ښار جوړولو او ځمکو وزارت سرپرست وویل، لومړی باید دا معلومه شي چې د ستانکزي ښارګوټي پلان د کومې ادارې له خوا ویزه شوی، چې په وینا یې که د نوموړي ښارګوټي پلان د ښار جوړولو او ځمکو وزارت له خوا ویزه شوی وي، د هغوی ستونزې به په وخت سره حل شي.
