په هلمند کې څه باندې ۱۵۵ زره جریبه څړځایونه سروې او ثبت شول
ښارجوړولو او ځمکو وزارت په هېواد کې د څړځایونو سروې، نښه کولو او ثبت په لړ کې د هلمند په بېلابېلو ولسوالیو کې ۱۵۵۹۸۲جریبه څړځایونه سروې او د دولتي ځمکو بانک کې یې ثبت کړل.
د څړځایونو سروې، نښه کولو او ثبت له پیل نه را پدیخوا تر دې دمه د هېواد په ۲۸ ولایتونو کې ۴ میلیونه او ۴۹ زره او ۳۳۵ جریبه څړځایونه سروې او ثبت شوي دي
ښارجوړولو او ځمکو وزارت په هېواد کې د څړځایونو سروې، تثبیت، نښه کولو او ثبت پروژې له تطبیق سره عامه او خاصه څړځایونو څخه ګټورې استفادې او همداراز اقتصادي او مالداري ځان بسیاینې ته زمینه برابره کړې.
