په هلمند کې د امان الله خان ۱۲ صنفي ښوونځي رغنیزې چارې دوام لري
ښارجوړولو او ځمکو وزارت د هلمند ولایت په مرکز لښکرګاه ښار اړوند قلعه کهنه کې د امان الله خان ۱۲ صنفي ښوونځي رغنیزې چارې ۱۰ سلنه بشپړې کړي دي.
دا ښوونځی په ۵۳۶ متر مربع ځمکه کې په درې پوړونو د ۲۷ میلیونه او ۳۰۰ زره افغانیو په ارزښت د ښارجوړولو او ځمکو وزارت له پراختیايي بودیجې جوړیږي.
د هېواد په کچه د ښوونځیو جوړول د ښارجوړولو او ځمکو وزارت مهم کاري لومړیتوب دی او دا وزارت په پام کې لري د خصوصي سکټور په همکارۍ د ولایاتو په کچه د ښوونځیو جوړولو چارې چټکې کړي.
