په نیمروز ولایت کې د یو پُل له رغنیزو چارو څارنه وشوه
۱۴۴۵/۱۰/۲۰
د کور او ښار جوړولو وزارت د کیفیت او معیار خوندیتوب په موخه د اړوندو ادارو په غوښتنه له ټولو ودانیزو پروژو څارنه کوي او د اړتیا په مهال مقابل لوري ته لازمې لارښوونې کوي.
نیمروز ولایت د کور او ښار جوړولو ریاست محترم رئیس مولوي عبدالجبار یاسیني وايي، د دې ریاست تخنیکي ټيم په دغه ولایت کې د شل متره پُل له ودانیزو چارو څارنه وکړه.
د مولوي یاسیني په خبره، یاد پُل په چخانسور ولسوالۍ کې موقیعت لري، چې شل متره یې اوږدوالی دی.
نوموړي زیاته کړه، د یاد پُل له چارو په دقیقه توګه څارنه وشوه او قراردادي شرکت ته لازمې سپارښتنې وشوې، تر څو د دې پروژې چارې د قررارداد پاڼې مطابق سرته ورسوي.
د کور او ښار جوړولو وزارت تخنیکي ټيمونه په مرکز او ولایتونو کې د ودانیزو پروژو له چارو څارنه کوي، تر څو یې چارې په انجنیري او مسلکي معیارونو برابرې سرته و رسیږي.
