په فراه ښار کې د ښاري سرغړونو مخنیوی وشو
۱۴۴۷/۰۱/۲۰
د کور او ښار جوړولو وزارت د ښار سرغړونو ریاست محترم رئیس، مولوي عبدالمنان حقاني وايي چې د فراه ولایت تخنیکي ټیم د ښار په شپږمه ناحیه کې له پلان پرته جوړو شویو ښاري سرغړونو مخنیوی کړی دی.
د فراه ولایت د کور او ښارجوړولو ریاست محترم رئیس مولوي نصرالله استقلال وايي، د ښاري سرغړونو ټیم د فراه ولایت د شپږمې ناحیې له ساحې څخه د نظارت پر مهال وموندله چې یو خود سر پارکینګ د عامه معبر پر فضا جوړ شوی و.
د نوموړي په خبره، چې د ښار جوړولو اصولو او نقشه بندۍ سره سم د ښار د منظم پرمختګ لپاره دا ډول سرغړونې نه زغمل کېږي، او له ټولو ښاریانو څخه غوښتنه کوي چې له قانون سره سم عمل وکړي.
