د پکتیکا انګور هډې سرحدي بندر کې له یوې پروژې لیدنه وشوه
۱۴۴۶/۰۱/۱۱
پکتیکا ولایت کې د کور او ښار جوړولو راست محترم رئیس مولوي محمد طاهر سیف الجهاد وایي، د ریاست اړوند تخنیکي او مسلکي ټیم یې د دغه ولایت د انګور هډې سرحدي بندر کې د ځمکني ترانسپورت د تنظیم لوی مدیریت اړوند له یوې پروژې لیدنه وکړه.
ښاغلی مولوي محمد طاهر سیف الجهاد وایي، یاده چاره یې د پکتیکا ولایت د ځمکني ټرانسپورت د تنظیم لوی مدیریت د (۳۴) ګڼې ۱۱/۰۴/۱۴۰۳ نېټې وړانديز او د ولایت محترم مقام د حکم پر اساس د یو ګډ هیئت په شتون کې ترسره کړه.
نوموړی وایي، په یاده ودانیزه پروژه کې ټولې چارې د پلان او شرط پاڼې مطابق سرته رسېدلي او کومې نیمګړتیاوې یې نه درلودې.
د هغه په خبره، دغه ودانیزه پروژه، د انګور هډې سرحدي بندر د باربري هډې ساختماني پروژې د یو باب مسجد او اداري تعمیر دی، چې د تامیناتو د اجرا لپاره یې دوی په ګډه یادې ولسوالۍ ته سفر وکړ.
د کور او ښار جوړولو وزارت د پروژو د بشپړېدو په صورت کې هم څارنه کوي چې ځان او مقابل لوري ته ډاډ ورکړي، تر څو یاده پروژه په څه ډول سرته رسېدلي او کوم پلاني او معیاري نیمګړتیا نه لري.
