د هرات ښار د بهسازۍ پلان وڅېړل شو.
7/1/1446
د کور او ښار جوړولو وزارت سرپرست الحاج شیخ حمدالله نعماني د هرات له ښاروالۍ تخنیکي او مسلکي رئيس محترم انجنیر محمد ایوب سیف الجهاد او د دغه ولایت د کور او ښار جوړولو له رئیس محترم انجنیر عبدالله اکبري او ورسره مل پلاوي سره وکتل.
د هرات محترم ښاروالۍ تخنیکي او مسلکي رئيس او محترم د کور او ښار جوړلوو رئیس په دغه ولایت کې د ښاري وضعیت په اړه معلومات وړاندې کړل او په ځینو برخو کې یې د حل په موخه غوښتنه وکړه.
په ناسته کې، د هرات ولایت په ولسوالیو کې د شته نیمګړتیاوو، د اصلاحي پلان پر ګټو او د هر اړخیز اصلاحي پلان پر اړتیا خبرې وشوې.
د کور او ښار جوړولو وزارت محترم سرپرست وزیر الحاج شیخ حمدالله نعماني وویل، د اړتیا پر بنسټ د ځینو ښارونو لپاره د ښه والي پلانونه جوړېږي او د منظمې ښاري پراختیا لپاره لازمه ده چې د هرات ښار هر اړخیز پلان ترتیب شي.
ښاغلي سرپرست وزیر وویل، اړتیا ده چې په کلکه د ښاري سرغړونو مخنیوی وشي او د هرات ښار د دوامداره پراختیا لپاره زمینه برابره شي.
