په میدان وردک کې د جنوب شرق ښارګوټي کې د ښاري سرغړونو مخنیوی وشو
۱۴۴۷/۰۲/۳۰
د کور او ښار جوړولو وزارت د ښاري سرغړونو محترم رئیس مولوي عبدالمنان حقاني وایي، د دې ریاست اړوند تخنیکي ټیم له لوري د د جنوب شرق ښارګوټي څخه څارنه ترسره شوه.
ښاغلي مولوي حقاني وویل، د لیدل شوو معلوماتو پر بنسټ په یاد ښارګوټي کې د تفصیلي پلان خلاف د سیلبر حریم په ساحه کې د یو باب مسجد شریف او یوې نمرې ودانیزې چارې پرمخ وړل کېدې، چې د ودانیزو چارو له جملې، د یادې نمرې د ودانۍ یو شمېر کارونه مخکې ترسره شوي وو، او دمګړۍ کارګر په ساحه کې موجود نه وو.
د نوموړي په خبره، د ښاري سرغړونو ریاست د قانوني کړنلارې له مخې دواړو ودانیزو چارو ته د کار د نه کولو خبر ورکړ او څرګنده یې کړه چې یادې چارې به په رسمي ډول بنده شي.
د یادولو وړ ده، چې د کور او ښار جوړولو وزارت د ښاري سرغړونو ریاست په منظم ډول د ښارونو د پرمختیایي پلانونو له تطبیق څارنه کوي، تر څو ښارونو د ښکلا، نظم او دوامدار پرمختګ په خاطر د پلان خلاف ودانیزې چارې ودرول شي او ښاري معیارونه په جدي توګه خوندي پاتې شي.
