په فاریاب کې د کرنې ریاست د استنادي دېوال د جوړولو له چارو څارنه وشوه
۱۴۴۸/۵/۶
د فاریاب ولایت د کور او ښار جوړولو ریاست تخنیکي ټيم، د دغه ولایت د کرنې، اوبولګولو او مالدارۍ ریاست اړوند د کرنیز باغ د استنادي دېوال د جوړولو له روانو چارو څخه تخنیکي څارنه ترسره کړه.
د څارنې پر مهال د پروژې د کاري حجم مطابق د دېوال د بنسټ ډبرو اېښودلو او د ۱۰۰ مترو اوږدوالي د غرقې د تکمیلي چارو بهیر و ارزول شو، چې چارې یې په ساحه کې روانې وې.
د څارنې پر مهال قراردادي شرکت ته سپارښتنه وشوه، چې د پروژې چارې د منظور شوې نقشې او ټاکل شوو کاري حجمونو مطابق ترسره کړي او د کار په هر پړاو کې د څارونکو انجنیرانو سره لازمې همغږۍ ته دوام ورکړي.
د فاریاب ولایت دکوذ او ښار جوړولو ریاست تخنیکي ټیمونه به د پروژې د کیفیت او چارو د معیاري پلي کېدو د ډاډ ترلاسه کولو په موخه خپلو تخنیکي څارنو ته دوام ورکړي.
