فاریاب کې د دوه دیني پروژو رغنیزې چارې دوام لري
ښارجوړولو او ځمکو وزارت د فاریاب ولایت په اندخوی ولسوالۍ کې د اختچي جومات رغنیزې چارې ۳۰ سلنه او د فاریاب په مرکز کې د افغان کوټ جومات رغنیزې چارې ۵۰ سلنه بشپړې کړې دي.
د اختچي جومات چې د ۴۸۰ لمونځ کوونکو ظرفیت لري په ۵۸۶ متر مربع ځمکه کې په یو پوړ د ۱۶ میلیونه افغانیو او د افغان کوټ کلي جومات چې د ۱۰۰۰ لمونځ کوونکو ظرفیت لري په دوه پوړونو د ۳۲ میلیونه افغانیو په ارزښت د حج او اوقافو وزارت له پراختیايي بودیجې جوړیږي.
ښارجوړولو او ځمکو وزارت د هېواد په کچه د روغتیايي مرکزونو، د دولتي ادارو ودانیو، ورزشي سټډیمونو، کتابتونونو، موزیمونو، وړکتونونو، جوماتونو او تعلیمي او تحصیلي مرکزونو په جوړولو کې رغنده رول لوبولی او د ټولګټو پروژو تطبیق د دې وزارت په کاري لومړیتوبونو کې ځای لري.
###
