سمنګان ولایت کې د خپلسرو تعدیلاتو او سرغړونو په اړه خبرې وشوې
۱۴۴۶/۰۷/۰۴
د کور او ښار جوړولو وزارت له ښاري تخلفاتو د مخنیوي ریاست محترم رئیس مولوي عبدالمنان حقاني وایي، سمنګان ولایت ته یې رسېدلي تخنیکي ټیم د دغه ولایت د ښاروالۍ له لوري د شوو سرغړونو په له دوی سره خبرې وکړې.
ښاغلی مولوي حقاني وایي، تخنیکي ټیم یې په ایبک ښار کې د ښاروالۍ محترم ریاست سره د همغږۍ او همکارۍ ناسته وکړه، او خبرې وشوې چې د پلټنو پّ مهال معلومه شوه چې خپله د ایبک ښاروالۍ سرغړونې کړي، د پلان خلاف چارې او خپلسري تعدیلات یې کړي دي.
نوموړی وایي، د ایبک ښاروالۍ د ساختمان جوړولو لپاره اجازه ورکړې او ټکس یې اخیستی په داسې حال کې چې نقشې یې نه دي ویزه شوي.
دغه راز، د ښاروالۍ لخوا خپلسري تعدیلات شوي او د سینما ساحه یې د استوګنې کورونو په پار وېشلې ده.
د ټول افغانستان په کچه د نقشو ویزه کول، پلاني تعدیلات او له دولتي پروژو څارنه د کور او ښار جوړولو وزارت له مسؤلیتونو څخه دي.
