د میدان وردک ولایت په توسعوي ښارګوټي کې د پلان خلاف کارونو مخه ونیول شوه
۱۴۴۷/۰۲/۱۶
د کور او ښار جوړولو وزارت د ښار سرغړونو ریاست محترم رئیس مولوي عبدالمنان حقاني وایي، د تخنیکي ټیم له لوري د میدان وردګ ولایت په توسعوي ښارګوټي کې د ښاري پلان خلاف د کارونو مخه ونیول شوه.
ښاغلي مولوي حقاني وویل، یاد ټیم د ښارګوټي له ساحې څخه لیدنه وکړه، د لیدنې پر مهال څرګنده شوه چې په تفصیلي پلان کې د (۵) نمبر کود په ساحه کې، چې د هوټل لپاره ځانګړې شوې وه، پخوا څو ځله سرغړونې شوې وې.
هغه زیاته کړه، اوس یو ځل بیا د پلان خلاف په دغه ساحه کې د یوې استوګنیزې نمرې د سنګ کارۍ چارې پیل شوې وې، چې د تخنیکي ټیم له لوري ورته قانوني اقدام وشو.
د یادولو ده، ښاري تخلفات د ښار د غیرې منظموالي لپاره جدي خنډونه دي چې د قانوني څارنې او عامه پوهاوي له لارې یې مخنیوی کېږي.
