دایکندي کې د دوه روغتیايي پروژو چارې دوام لري
ښارجوړولو او ځمکو وزارت د دایکندي ولایت په میرامور ولسوالۍ کې د اسکان ۳۰ بستریز روغتون رغنیزې چارې ۳۵ سلنه او همداراز په دې ولسوالۍ کې د تګاب ۵۰ بستریز روغتون رغنیزې چارې ۷۰ سلنه بشپړې کړي دي.
د اسکان ۳۰ بستریز روغتونو په ۱۸۰۰ متر مربع ځمکه کې په یو پوړ د ۴۴ میلیونه افغانیو په ارزښت او دتګاب ۵۰ بستریز روغتون په ۱۹۸۳ متر مربع ځمکه کې په درې پوړونو د ۸۳ میلیونه او ۵۰۰ زره افغانیو په ارزښت د عامې روغتیا وزارت له پراختیايي بودیجې جوړیږي.
ښارجوړولو او ځمکو وزارت د هېواد په کچه د روغتیايي مرکزونو، د دولتي ادارو ودانیو، لوبغالو، کتابتونونو، موزیمونو، وړکتونونو، جوماتونو او تعلیمي او تحصیلي مرکزونو په جوړولو کې رغنده رول لوبولی او د ټولګټو پروژو تطبیق د دې وزارت په کاري لومړیتوبونو کې ځای لري.
