د ارزګان ولایت د مرکز ترینکوټ ښار د پلانیزو ساحو څخه د تخلفاتو د مخنیوي په موخه نظارت ترسره شو
۱۴۴۷/۱۱/۱۵
د ارزګان ولایت د کور او ښار جوړولو ریاست د تخلفاتو تخنیکي ټیم د مرکز ترینکوټ ښار د څلورو ناحیو په کچه د تفصیلي او ستراتیژیکو پلانونو له ساحو څخه ساحوي نظارت ترسره کړ.
د نظارت پر مهال د درېیمې ناحیې اړوند یوه ساختماني قضیه وڅېړل شوه، چې د ښاروالۍ له لوري ورته د هټیو جوړولو اجازه ورکړل شوې وه او نوموړی شخص د خپل مخکیني تخریب شوي دوکان د ترمیم غوښتنه درلوده. خو د تخنیکي ارزونې له مخې، اړوند شخص ته هدایت ورکړل شو چې د ساحې د کارونې نوعیت د ښاري پلانونو مطابق (شنه، استوګنیزه یا سوداګریز زون) په دقیق ډول تثبیت شي، تر څو د هغې پر بنسټ لازم تخنیکي او قانوني اقدام ترسره شي.
په نورو ناحیو کې د نظارت پر مهال کوم نوي تخلفات نه دي ثبت شوي، خو په څلورمه ناحیه کې د پخوانیو ثبت شویو تخلفاتو قضیې لا هم د اړوندو مراجعو تر تعقیب لاندې دي.
