په تورغنډۍ ګمرک کې د مسجد شریف له ودانیزو چارو څارنه وشوه
۱۴۴۷/۰۶/۲۴
د هرات ولایت د کور او ښار جوړولو ریاست تخنیکي ټیم د تورغنډۍ ګمرک د مسجد شریف د ودانیزې پروژې له بهیر څارنه وکړه او د کار د کیفیت ارزونه یې کړې ده.
د ساحوي لیدنې پر مهال څرګنده شوه چې د ودانۍ د سر د سنگ کارۍ اړوند د سیم تاوۍ چارې په مهمو برخو کې پر مخ روانې دي او د پروژې پرمختګ د پلان له مخې دوام لري.
تخنیکي ټیم د کار له جریان څخه له نږدې ارزونې وروسته اړوندو کارکوونکو ته د معیاري تطبیق، د ساختماني اصولو د دقیق رعایت او د کار د سرعت د ساتلو په اړه لازمې لارښوونې وکړې.
یاده پروژه د تورغنډۍ ګمرک د عامه خدمتونو د ښه کولو او د مذهبي اړتیاوو د معیارپوره کولو په موخه د اړوندو ادارو په همغږۍ روانه ده.
د کور او ښار جوړولو وزارت، په پروژو کې د کیفیت او معیار خوندیتوب لازم ګڼي او اړوندو مسؤلینو ته یې د لا ښه تطبیق په موخه اړینې مشورې ورکوي.
