په فاریاب ولایت کې د ګرزیوان ولسوالۍ د نجونو د منځني ښوونځي له ودانیزو چارو څارنه وشوه
۱۴۴۷/۰۵/۱۱
د فاریاب ولایت د کور او ښار جوړولو ریاست مسؤلین وایي، د یاد ریاست تخنیکي ټیم د ګرزیوان ولسوالۍ د نجونو د منځني ښوونځي د درې صنفه ملحقې ودانۍ د کارونو د څارنې بهیر ترسره کړ.
د فاریاب ولایت د کور او ښآر جوړولو ریاست محترم رئیس مولوي خال میرزا ذوالفقار وایي، د یادې ودانۍ د جوړولو چارې د انجینري نقشې او معیارونو له مخې پر مخ روانې دي. همدارنګه، قراردادي شرکت ته لازمې لارښوونې ورکړل شوې، څو پاتې کارونه هم د نقشې او تخنیکي معیارونو سره سم ترسره کړي.
مولوي خال میرزا ذوالفقار ټینګار وکړ، چې د څارنې دا بهیر د ساختماني پروژو د کیفیت د لوړوالي او د انجینري اصولو د دقیقې پلي کېدو لپاره دوامداره ترسره کېږي.
د فاریاب ولایت د کور او ښار جوړولو ریاست د ښوونیزو، عامه او بنسټیزو تاسیساتو د رغونې او ترمیمي چارو د څارنې په برخه کې فعاله ونډه لري.
