فراه ښار کې د سړک ترغاړو ویالو د څه پاسه څلور کیلو متره پروژې له چارو څارنه وشوه
۱۴۴۷/۵/۴
فراه ولایت کې د کور او ښار جوړولو ریاست محترم رئیس مولوي نصر الله استقلال وایي، د دغه ولایت په ښار کې د سړکونو تر غاړو ویالو د جوړولو کار روان دی.
ښاغلی مولوي استقلال وایي، د ویالو د تیږو لګولو چارې دوام لري، چې ټوله دغه پروژه (۴٫۰۶۹) څلور اعشاریه صفر، نهه شپېته کیلو متره اوږدوالی لري او د څارنې اړوند ټیم یې ترې څارنه کړې ده.
نوموړی وایي، یاده پروژه چې ۴٫۰۶۹ کیلومتره په اوږدوالي د ۸،۴۴۵،۰۵۸٫۱۸ افغانۍ په ارزښت د یو خصوصي ودانیز شرکت له لوري دا مهال د تطبیق په درشل کې ده.
دغه راز په ساحه کې د څارنې ډلې د ترسره شویو کارونو کیفیت، د موادو معیار او د ساحې تخنیکي وضعیت ارزولی دی او د لا ښه تطبیق او دوامدار کیفیت لپاره یې لازمې سپارښتنې هم وړاندې کړې دي
