د ګيرو ولسوالی د شهید اسدالله خادم ښوونځي له رغنیزو چارو څارنه وشوه

۱۴۴۷/۰۳/۰۶
د غزني ولایت د کور او ښار جوړولو ریاست محترم رئیس مولوي نور ولي بلال متقي وایي، د دې ریاست تخنیکي ټيم د ګيرو ولسوالی د شهید اسدالله خادم ښوونځي د ترمیم د چارو څارنه وکړه.
ښاغلي مولوي نور ولي وویل، د قراردادي شرکت مسؤولینو ته لارښوونه وشوه، چې د ښوونځي د ترمیم چارې په غوره کیفیت او په چټکۍ سره پيل کړي.
د نوموړي په خبره، دغې څارنې هدف دا دی چې د ښوونځي زده کوونکو لپاره مناسب او خوندي زده کړیز چاپیریال برابر شي.