په خوګیاڼو ولسوالۍ کې د مهاجرینو ښارګوټي د ۴۷۵ جریبه ځمکې توپوګرافي سروې ترسره شوه
۱۴۴۷/۰۳/۰۷
د کور او ښار جوړولو وزارت د سروې او جي ایس ریاست په مشرۍ د تخنیکي ټیم له لوري د ننګرهار ولایت د خوګیاني ولسوالۍ د ارغچ کلي په ساحه کې د مهاجرینو د ښارګوټي د ۴۷۵ جریبه ځمکې توپوګرافي سروې ترسره شوه.
د سروې او جي ایس ریاست محترم رئیس حافظ انجنیر یوسف لطیف وویل چې د دغې سروې هدف د ځمکې د کره معلوماتو راټولول، د ښارګوټي د منظم پلان جوړولو لپاره تخنیکي بنسټ برابرول او د راتلونکو پرمختیایي پروژو د تطبیق زمینې برابرول دي.
د یادولو وړه ده، د کور او ښار جوړولو وزارت د هېواد په کچه د ښارونو د منظم پلان، مهاجرینو او بېځایه شوو لپاره د هستوګنې د مناسب ښارګوټو د جوړولو او د ښاري خدمتونو د برابرولو لپاره پر خپلو اوږدمهالو برنامو کار کوي او دغسې تخنیکي سروې ګانې د پروژو د عملي کېدو لومړنی او اړین ګام ګڼل کېږي.
