د لغمان ولایت د مهترلام ښار په R5 تفصیلي پلان کې د ښاري سرغړونو پر ضد نظارت او اقدام وشو
۱۴۴۷/۲/۱۷
د کور او ښار جوړولو وزارت د ښار سرغړونو ریاست محترم رئیس مولوي عبدالمنان حقاني وایي، د ښاري سرغړونو د مسلکي ټیم د لغمان ولایت د مهترلام ښار د R5 تفصیلي پلان په ساحه کې نظارت ترسره کړ.
ښاغلي مولوي حقاني وویل، د ښاري سرغړونو ټیم وموندله چې د اسلامي امارت د واکمنۍ نه مخکې په یاد پلان کې ځینې خپل سري کارونه شوي دي، چې یو شمېر کسانو په دغه پلان کې د تخلف په ډول ودانیزې چارې پیل کړي وې چې د ټیم لخوا په ساحه کې یې ودانیزې چارې و ځنډول شوې.
د نوموړي په خبره، د پلان د اصولو او مقرراتو په اړه عامه پوهاوی هم ترسره شو ترڅو عام ولس د ښاري جوړښتونو قانوني چوکاټ ته متوجه شي.
د یادولو ده، دغه راپور د لغمان ولایت د کور او ښار جوړولو ریاست ته وړاندې شوی دی او اړوندې ادارې به د دغو سرغړونو د دوام مخنیوي لپاره لازمې قانوني چارې ترسره کړي.
