په هرات ولایت کې د ۰۵کندک عامه امنیت اړوند جومات له ودانیزو چارو څارنه وشوه
1447/04/26
د هرات ولایت د کور او ښار جوړولو ریاست محترم رئیس انجنیر عبدالله اکبري وایي، د دې ریاست اړوند تخنیکي ټيم د ګذره ولسوالۍ په ۰۵کندک کې د جوړېدونکي جومات له ودانیزو چارو څارنه وکړه.
ښاغلي انجنیر اکبري وویل، دمګړۍ د مسجد شریف د تیږو د نصب چارې روانې وې چې د پروژې مسؤل انجنیر ته لازمې سپارښتنې وشوې، تر څو چارې د نقشې مطابق په معیاري ډول تر سره کړي.
د یادولو وړه ده، چې د ارشاد، حج او اوقافو وزارت اړوند پروژې د هېواد په بېلابېلو سیمو کې د معیاري ودانیو د جوړېدو لپاره پلي کېږي چې د کور او ښار جوړولو وزارت تخنیکي ټیمونه مکلف دي چې د دغو پروژو له بهیر څخه وخت پر وخت څارنه وکړي، څو د انجینري معیارونو او نقشو مطابق بشپړې شي.
