د پروژو پر زر بشپړیدو او د ستونزو پر حل ټينګار وشو
۱۴۴۷/۰۲/۰۴
د کور او ښار جوړولو وزارت د رهبرۍ غونډه د مالي او اداري معین محترم الحاج محمد ارسلاح خروټي په مشرۍ ترسره شوه، چې په غونډه کې د ښاري چارو محترم مرستیال شیخ مدار علي کریمي بامیاني، د مسکن، ودانیزو چارو او د برنامو د پراختیا محترم مرستیال مولوي ګل زرین صابر، د وزارت اړوند ریاستونو رئیسانو او استازو ګډون درلود.
د غونډې په اجنډا کې د هېواد په بیلابیلو ولایتونو کې د روانو ودانیزو پروژو راپورونه، د کارونو پرمختګ، ستونزې او د ستونزو د حل لارې شاملې وې، چې د ټولو اړوندو ریاستونو له لوري د روانو پروژو په اړه مفصل راپورونه وړاندې شول.
په غونډه کې مالي او اداري معین الحاج محمد ارسلاح خروټي په خپلو څرګندونو کې ټینګار وکړ
چې د کور او ښار جوړولو وزارت اړوند ټولې پروژې باید د ټاکل شوي مهال ویش سره سم بشپړې شي، تخنیکي ستونزې دې په دقیقه توګه وڅېړل شي او اداري چارې دې په سمه او قانوني توګه تر سره شي.
همداراز په دې غونډه کې د ښاري چارو محترم مرستیال شیخ مدار علي کریمي بامیاني او د مسکن او ودانیزو چارو محترم مرستیال مولوي ګل زرین صابر هم په خپلو خبرو کې د پروژو پر وخت بشپړولو، د ستونزو پر ژر حل او د تخنیکي نیمګړتیاوو پر له منځه وړلو ټینګار وکړ.
په پای کې پرېکړه وشوه چې ټول ریاستونه دې د خپلو مسؤلیتونو په برخه کې د پروژو د چټک پرمختګ لپاره هر اړخیز اقدامات وکړي او د راتلونکې غونډې لپاره د ترسره شویو کارونو تفصیلي راپور وړاندې کړي.
