په پلخمري ښار کې د استوګنیزې ودانۍ له ساختماني چارو څارنه وشوه
۱۴۴۸/۴/۲۹
د بغلان ولایت د کور او ښار جوړولو ریاست د ښاري سرغړونو د مخنیوي تخنیکي ټیم د پلخمري ښار د دویمې ناحیې اړوند د دوه سوه کوتی سیمې کې د استوګنیزې ودانۍ له ساختماني چارو څخه څارنه ترسره کړه.
د څارنې پر مهال د یادې ودانۍ له مالک څخه غوښتنه وشوه، چې د ودانۍ اړوند ټول اسناد او ساختماني نقشه د کره معلوماتو د ترلاسه کولو او تخنیکي ارزونې په موخه اړوندې ادارې ته وسپاري. د یادې ودانۍ د کار وضعیت تر څارنې لاندې دی او د ساحې په یوه برخه کې د بنسټ د ستنو د نصب چارې روانې وې.
د ساحې د ارزونې پر مهال څرګنده شوه چې په یاده ساحه کې د پلان د بدلون موضوع نشته. د موضوع د لا بشپړې ارزونې او اړوندو ادارو سره د همغږۍ په موخه به د راپور اړوند مکتوبونه د کور او ښار جوړولو وزارت، د بغلان ولایت مقام، د امنیې قوماندانۍ او د پلخمري ښاروالۍ ته واستول شي.
د کور او ښار جوړولو ریاست تخنیکي ټیمونه به د ښاري مقرراتو د رعایت او د ساختماني چارو د قانوني او معیاري پلي کېدو په موخه خپلو څارنو ته دوام ورکړي.
