د فاریاب ولایت د ملي راډیو تلویزیون د اداري ودانۍ پروژه بشپړه او ګټې اخیستنې ته چمتو شوه
۱۴۴۶/۱۲/۸
فاریاب کې د کور او ښار جوړولو ریاست محترم رئیس مولوي خالمیرزا ذوالفقار وایي، د ریاست اړوند تخنیکي ټیم یې په دغه ولایت کې د ملي راډیو ټلوېزیون د اداري امریت د نوې ودانۍ د جوړېدو له چارو لیدنه وکړه.
ښاغلی مولوي ذوالفقار وایي، په لیدنه کې څرګنده شوه، چې پروژه د مسلکي انجنیري اصولو، ساختماني معیارونو او له مخکې ترتیب شوې نقشه سره سم تطبیق شوې او چارې یې په ښه کیفیت ترسره شوي دي.
نوموړی وایي، یاده پروژه په بشپړه توګه تکمیل شوې او د رسمي ګټې اخیستنې لپاره چمتو ده.
د کور او ښار جوړولو وزارت له ودانیزو او رغنیزو پروژو دوامداره څارنه کوي چې د مرکز تر څنګ، د ولسوالیو په کچه هم عملي کېږي، تر څو چارې معیاري ترسره شي.
