په فراه ولایت کې د کډوالو لپاره سرپناه جوړیږي
۱۴۴۶/۹/۱۷
د فراه ولایت د کور او ښار جوړولو ریاست محترم رئیس مولوي نصرالله استقلال وایي، په دې ولایت کې د (۱۰۸) کورنیو لپاره سرپناه جوړیږي، چې دمګړۍ د خونو بلوک کاري او د ځینو د پلستر کارۍ چارې روانې دي.
د نوموړي په خبره، د دې ریاست اړوند تخنیکي ټيم ټولې ودانیزې چارې په دقیق ډول و څارلې او د قراردادي شرکت مسؤلینو ته یې لازمې سپارښتنې وکړې، ترڅو ټولې چارې د نقشې مطابق په معیار برابرې تر سره کړي.
د کور او ښار جوړولو وزارت مرکزي او ولایتي ټيمونه د پروژو له چارو څارنه کوي، تر څو چارې د نقشې مطابق په معیار برابرې تر سره شي.
