د مسکن برخه کې پر پانګونې بحث وشو

org_admin
شنبه ۱۴۰۴/۱۲/۲۵ - ۱۴:۲
mudh

۱۴۴۶/۰۹/۱۵

د کور او ښار جوړولو وزارت د مسکن، ودانیزو چارو او د برنامو پراختیا محترم مرستیال الحاج محمد اسماعیل فائز د پښتني بانک د محترم عامل رئیس عبدالواحد رحیمي سره وکتل.

په دغه کتنه کې چې، د کور او ښار جوړولو وزارت د تخنیکي مسکن ریاست محترم چارسمبالی انجنیر محمد حریف سروري، د پانګونې ریاست محترم چارسمبالی ارشاد عمر، د برنامو د انسجام محترم رئیس انجنیر عبدالوهاب صدیقي، د اقتصادي زونونو د پراختیا ریاست محترم امر ذبیح الله نادري، د وجهي صندوق محترم امر انجنیر عجب خان انس او د پښتني بانک محترم حقوقي مشاور شمس الرحمن ګډون درلود، د مسکن برخه کې پر پانګونې یې خبرې وکړې.

د پښتني بانک مسؤلینو د یاد بانک د دندو او صلاحیتونو په تړاو معلومات وړاندې کړل او زیاته یې کړه چې غواړي د مرابحې له لارې په افغانستان کې د مسکن د رامنځته کولو برخه کې پانګونه وکړي او له کور او ښار جوړولو وزارت سره همکاري وکړي.

ورپسې د کور او ښار جوړولو وزارت مسؤلینو هر یو په نوبت د دغه وزارت په پروژو کې د پانګونې په تړاو معلومات ورکړل او ځینې هغه ځایونه یې ورپه ګوته کړل چې، په اوسمهال کې پانګونې ته چمتو دي.

د کتنې په پای کې د مسکن، ودانیزو چارو او د برنامو پراختیا محترم مرستیال الحاج محمد اسماعیل فائز وویل، د کور او ښار جوړولو وزارت او د پښتني بانک ترمنځ به یو تړون لاسلیک شي چې، په راتلونکي کې هېڅ لوری زیانمن نه شي او هر لوری خپلو دندو او مکلفیتونو ته پاملرن وکړي.

په نږدې راتلونکي کې به دواړه خواوې په ګوته شوې ساحې له نږدې وګوري او تر هر اړخیزو څېړنو وروسته به پر راتلونکو  اقداماتو لاس پورې شي.

د کور او ښار جوړولو وزارت له ټولو داخلي او بیروني پانګوالو غوښتنه کوي چې، د دغه وزارت په پروژو کې پانګونه وکړي.

ښاغلی مولوي حمدالله نعماني

 

۱ کال 3 میاشتې ago

د خپل خدای، مسلمان ملت او هېواد پر وړاندې ځان مسئول ګڼو اوخپله دنده ګڼو چې د ښاري پراختیا، اقتصادي او ټولنیزې ودې او چاپېریال ساتنې ته کار وکړو.
ژمن یوو او هڅې مو پیل کړي چې د ښار جوړولو او ځمکو وزارت په یو خدماتي او ځواب ویونکي وزارت بدل کړو چې تل به د ابادۍ او ټولګټو پروژو د پلې کولو لپاره کار کوي او دغه برخه کې به روڼتیا، هڅونې او کارموندنې ته زمینه برابره کړو.

د کور او ښار جوړولو وزارت سرپرست
wazir-image-new

تازه خبرونه

دوشنبه ۱۴۰۴/۱۲/۲۷ - ۱۲:۴۰
Background image

په فراه ولایت کې د کډوالو لپاره سرپناه جوړیږي

۱۴۴۶/۹/۱۷

د فراه ولایت د کور او ښار جوړولو ریاست محترم رئیس مولوي نصرالله استقلال وایي، په دې ولایت کې د (۱۰۸) کورنیو لپاره سرپناه جوړیږي، چې دمګړۍ د خونو بلوک کاري او د ځینو د پلستر. . .

دوشنبه ۱۴۰۴/۱۲/۲۷ - ۱۰:۳۲
Background image

کابل ښار کې ښاري سرغړونې په ګوته شوې

۱۴۴۶/۹/۱۷

د کور او ښار جوړولو وزارت له ښاري سرغړونو د مخنیوي ریاست محترم رئیس مولوي عبدالمنان حقاني وایي، د دې ریاست اړوند تخنیکي ټيم د کابل ښار په اوومه ناحیه کې له ده دانا تر چهل. . .

دوشنبه ۱۴۰۴/۱۲/۲۷ - ۹:۴۹
Background image

په لغمان ولایت کې د دارالمعلمین سړک له رغنیزو چارو څارنه تر سره شوه

۱۴۴۶/۹/۱۷

د لغمان ولایت د کور او ښار جوړولو ریاست محترم رئیس مولوي حسین احمد تیلوي وایي، د دې ریاست اړوند تخنیکي ټيم د  مهترلام ښار د دار المعلمین سړک له رغنیزو چارو څارنه تر سره کړه.

. . .

BACK TO NEWS