په کندهار ولایت کې د کډوالو د ښار ګوټي له ودانیزو چارو څارنه تر سره شوه
۱۴۴۶/۸/۷
د کندهار ولایت د کور او ښار جوړولو ریاست محترم رئیس مولوي عبدالمتین وایي، د دې ریاست د تخنیکي ټيم لخوا په دامان ولسوالۍ کې د کډوالو د ښار ګوټي له ودانیزو چارو څارنه تر سره شوه.
ښاغلي مولوي عبدالمتین وویل، په دې پروژه کې د ویالو او پلچکونو د سنګکارۍ او په ځینو برخو کې د سیخ بندۍ چارې روانې وې، چې ارزونه یې تر سره شوه.
د نوموړي په خبره، د خونو، د تشنابونو، د اوبو د برمو، د رنګمالۍ او د نورو برخو کار بشپړ شوي و او د سړک د جغل اچونې چارې هم (۹۰) سلنه بشپړې شوې وې.
د کور او ښار جوړولو وزارت مرکزي او ولایتي ټيمونه د پروژو له چارو څارنه کوي، تر څو چارې د نقشې مطابق په معیار بابرې تر سره شي.
