ننګرهار کې د یو غیر قانوني ودانۍ چارې وځنډول شوې
۱۴۴۶/۰۷/۲۷
ننګرهار ولایت کې د کور او ښار جوړولو ریاست محترم رئیس قاري محمد نبي سعید په مشرۍ په دغه ولایت کې له ښاري تخلفاتو د یو اقدام چارې وځنډول شوې.
له ښاري تخلفاتو د مخنیوي ریاست محترم رئیس مولوي عبدالمنان حقاني وایي، ننګرهار کې د کور او ښار جوړلو رياست له ښاري تخلفاتو د مخنیوي انجنيرانو د جلال اباد ښار د څلورمې ناحيې څخه ليدنه وکړه.
ښاغلی مولوي حقاني وایي، په ياده ساحه کې د یوې ودانۍ چارې روانې وي، چې په خبره یې یاده سیمه په پلان کې شنه ساحه ده، چې په غیرې قانوني توګه ترې د سوداګرۍ لپاره کار اخستل کیده، چې چارې یې و ځنډول شوې.
ننګرهار کې د کور او ښار جوړولو ریاست هڅې پیل کړي چې، په ښار کې د خپلسرو ودانيو او ودانیزو چارو مخنيوی وکړي او ښار د پلان او نقشې مطابق په انجنيرۍ معيارونو وده او پراختیا پیدا کړي.
