په سرپل ولایت کې د ښاري سرغړونو مخنیوی وشو
۱۴۴۶/۶/۱
د کور او ښار جوړولو وزارت د ښاري سرغړونو د مخنیوي ریاست محترم رئیس مولوي عبدالمنان حقاني وایي، د دې ریاست د ښاري سرغړونو مخنیوي ټيم لخوا په سرپل ولایت کې د ښار په ځینو سیمو کې د خپل سرو ودانیو مخنیوی وشو.
ښاغلي مولوي حقاني وویل، د سرپل ولایت د ښار په لومړۍ ناحیه کې څو خپل سرې ودانۍ له نږدې ولیدل شوې، چې چارې یې د نقشې خلاف روانې وې.
نوموړی وایي، په همدې تړاو یې د یادو کورونو مالکینو ته وویل، چې خپل اسناد په قانوني بڼه طي مراحل کړي.
د کور او ښار جوړولو وزارت مرکزي او ولایتي ټيمونه د ښاري تخلفاتو مخنیوي په موخه له ودانیو څارنه کوي، تر څو ښاري پراختیا په منظم ډول ترسره شي.
