فراه ولایت کې د خپل سرو هستوګنیزو کورونو له جوړولو مخنیوی وشو
۱۴۴۵/۸/۲۶
د فراه ولایت د کور او ښار جوړولو محترم رئيس مولوي نصرالله استقلال وايي، د دې ریاست انجنیري ټیم د فراه ښار په اتمه ناحیه کې د پنځوس خپلو سرو ودانیو له جوړولو مخنیوی وکړ.
محترم مولوي استقلال وايي، یاد کورونه په خپل سرې توګه د قانون او تګلارې په پام کې نه نیولو سره جوړېدل، چې دوی یې مخنیوی وکړ.
نوموړی وایي، د یاد کورونو مالکینو ته یې قانون بیان کړ او د دغه کورونو نقشې یې ویزه کړې او بیا یې له قانون سره سم د رغېدو اجازه ورکړه.
د کور او ښار جوړولو وزارت هېچاته اجازه نه ورکوي چې په خپل سرې توګه او غیر قانوني رغونه وکړي او په دغه برخه کې له ټولو هېوادوالو غوښتنه لري چې قانون ته ژمن پاتې شي او ټولې چارې اصولي او معیاري پر مخ یوسي.
