د هلمند ولایت د مهاجرینو ښارګوټي د داخلي دروازې پروژې ساحوي څارنه ترسره شوه
۱۴۴۷/۱۰/۲۵
د هلمند ولایت د کور او ښار جوړولو ریاست اړوند تخنیکي ټیم د هلمند د مهاجرینو ښارګوټي د داخلي عمومي دروازې پروژې ساحوي څارنه ترسره کړه، په دې څارنه کې د کارونو کیفیت، د پرمختګ کچه او د پروژې تطبیق هر اړخیزه ارزونه وشوه.
دغه څارنه د کور او ښار جوړولو وزارت د ښاري سرغړونو د مخنیوي او د پروژو د تطبیق د څار عمومي ریاست د هدایت پر بنسټ ترسره شوه.
په ساحه کې د ښارګوټي د داخلي دروازې لپاره لاندې فعالیتونه بشپړ شوي دي، د سیخ لرونکي کانکریټ اچونه، خشتکاري، پلسترکاري او د کړکیو نصب روان و.
د دغې څارنې موخه د ودانیزو فعالیتونو شفافیت یقیني کول، د پروژې د معیارونو مطابق بشپړتیا او د ښاري سرغړونو مخنیوی دی، د ښارګوټي د داخلي دروازې پروژې نظارت ښيي چې د ودانیزو کارونو کیفیت او د پرمختګ کچه د ټاکل شوو معیارونو سره سمون لري.
