د نوي افغان پطرولیم د تیلو د ستونزو حل په موخه دویمه ناسته وشوه
1444/1/12
د ښار جوړولو او ځمکو وزارت محترم سرپرست وزیر مولوي حمدالله نعماني د ریاست الوزرا د عالي مقام د ریاست دفتر استازو، د چارو ادارې، د مالیې وزارت، سوداګرۍ او صنعت وزارت او د ګاز او نفت دولتي شرکت د استازو سره د نوي افغان پطرولیم د تیلو شرکت د ستونزو د حل په موخه دویمه ناسته او مشورې وکړې.
یاده ناسته د ا.ا.ا د ریاست الوزرا د1444/01/12 د432 ګڼې لارښونې په اساس د نوي افغان پطرولیم شرکت د تیلو د ارزولو په موخه په ښار جوړولو او ځمکو وزارت کې تر سره شوه چې په کې د یاد شرکت قرارداد او اسناد و اروزل شول.
په دغه ناسته کې اړوندو ادارو د یاد شرکت د قرارداد په تړاو د څېړل شوو اسنادو پایلې د ښار جوړولو او ځمکو وزارت محترم سرپرست وزیر مولوي حمدالله نعماني سره شریکې کړې.
د ناستې ګډونوالو د اسنادو د هر اړخیزې څیړڼې او پایلې وروسته خپل نظر د ریاست الوزرا محترم عالي مقام ته وړاندې کړ، تر څو یې په اړه وروستۍ پریکړه وشي.
