د کور او ښار جوړولو وزارت سرپرست وزیر د اغاخان بنسټ د بیړنیو حالاتو له عمومي رئیس سره وکتل.
5/5/1446
د کور او ښار جوړولو وزارت سرپرست وزیر الحاج شیخ حمدالله نعماني د اغاخان بنسټ د اسیایي برخو له عمومي رئیس محترم شادمان حاجي بکوف سره وکتل.
په دې کتنه کې الحاج شیخ حمدالله نعماني په افغانستان کې د اغاخان بنسټ د بیړنیو حالاتو د عمومي رئیس د راتګ هرکلی وکړ، او د هېواد په بېلابېلو برخو په ځانګړي ډول د کور او ښار جوړولو وزارت سره په بېلابېلو برخو کې د اغا خان بنسټ کارونه او فعالیتونه د قدر وړ او مهم وبلل.
د اغاخان بنسټ د بیړنیو حالاتو رئیس وویل، که د کور او ښار جوړولو وزارت وغواړي، دوی چمتو دي چې په افغانستان کې د طبیعي پیښو د قربانیانو لپاره مناسب سرپناه او کورونه جوړ کړي.
نوموړي دغه راز زياته کړه، چې په راتلونکي کې به هم د کور او ښار جوړولو وزارت د انجنيرانو د ظرفيتونو د لوړولو په برخه کې همکارۍ ته چمتو دي.
ښاغلي حاجي بکوف دا هم وویل چې دغه بنسټ په تېر کې د بغلان ولایت د یوه ښارګوټي نقشه طرحه کړې او غواړي چې د کور او ښار جوړولو وزارت سره یې شریکه کړي.
د اغاخان بنسټ د بیړنیو حالاتو عمومي رئیس د کور او ښار جوړولو وزارت له سرپرست وزیر الحاج شیخ حمدالله نعماني څخه وغوښتل چې په بدخشان ولایت کې د دغه بنسټ له فعالیتونو څخه لیدنه وکړي.
