کونړ ولایت کې د خپلسرو ودانیزو چارو مخنیوی وشو
۱۴۴۶/۷/۳
د کور او ښار جوړولو وزارت، له ښاري تخلفاتو د مخنیوي ریاست محترم رئیس مولوي عبدالمنان حقاني وایي، کونړ ولایت کې یې د ښاري تخلفاتو مخنیوي ټیم د یاد ولایت له څو ناحیو لیدنه او څارنه وکړه.
ښاغلی مولوي حقاني وایي، دغه لیدنه او څارنه په دغه ولایت کې د ښاري تخلفاتو د په نښه کولو او مخنیوي په موخه ترسره شوه، چې په پایله کې یې ځینو ساحو کې په خپلسرې توګه ودانیزې چارې روانې وې.
نوموړی وایي، ګمارل شوي ټیم یې اړوندو کسانو ته ویلي چې ژر تر ژره دې چارې وځنډوي او د قانوني اجرأتو په موخه دې یاد ریاست ته مراجعه وکړي.
د کور او ښار جوړولو وزارت دنده ده، چې د غیر قانوني او خپلسرو ودانیزو چارو مخنیوی وکړي او د منظمې ښاري ودې او پراختیا لپاره زمینه برابره کړي.
