کندز ولایت کې د پوهنې او ښې راتلونکې په موخه اقدامات وشول
۱۴۴۶/۰۱/۱۵
کندز ولایت کې د کور او ښار جوړولو ریاست محترم رئیس مولوي محمد رمضان کلیم وایي، په دغه ولایت کې یې د لس (۱۰) بابه ښوونځیو د جوړولو په موخه لومړنی براورد ترسره کړ.
ښاغلی مولوي محمد رمضان کلیم وایي، د یو بل اقدام په ترڅ کې یې د دغه ولایت په قلعه ذال ولسوالۍ کې د غصب شوي سړک د بېرته راګرځولو په موخه اقدام وکړ.
نوموړی وایي، دغه چاره یې په کندز ولایت کې د ټولګټو چارو محترم ریاست او د قلعه ذال محترم ښاروال په شتون کې ترسره کړه او د سړک پلي لاره چې د هټیوالو له لوري غصب شوې وه، د بېرته خوشې کولو په اړه یې اقدامات وشول.
دغه راز، نوموړی وایي، د قلعه ذال ولسوالۍ بازار ځینې برخې ښاري پلان کې نه دي شاملې چې اړتیا ده په پلان کې شاملې شي.
د کور او ښار جوړولو وزارت د ولسوالیو لپاره پلانونه جوړوي، ترڅو په ولسوالیو کې هم د غیر پلاني ودې او پراختیا مخنیوی وشي او خلک له ښاري وضعیت او امتیازاتو برخمن شي.
