کاپیسا کې د درې ټولګټو پروژو رغنیزې چارې دوام لري
ښارجوړولو او ځمکو وزارت د کاپیسا ولایت په حصه اول کوهستان ولسوالۍ کې د معدن انسټیټوټ د احاطې دیوال، د دې ولسوالۍ په کوریتاز کلي کې د ۳۴۰ کیسز جومات او همداراز د دې ولایت د نجراب ولسوالۍ په قلعه غني کلي کې د ورزشي سټډیوم رغنیزې چارې تر کار لاندې لري.
د معدن انسټیټیوټ د احاطې دیوال په ۶ زره جریبه ځمکه کې د ۵ میلیونه افغانیو په ارزښت، په کوریتار کلي کې ۳۴۰ کسیز جومات په ۶ زره جریبه ځمکه کې د ۱۳ میلیونه افغانیو په ارزښت او د قلعه غني کلي ورزشي سټډیوم په ۲۷۲۰۰ متر مربع ځمکه کې د ۷۸ میلیونه افغانیو په ارزښت جوړیږي.
د ټولګټو پروژو د تطبیق لپاره له دولتي اراضۍ ګټوره او معقوله استفاده د ښارجوړولو او ځمکو وزارت یو مهم کاري لومړیتوب دی او دا وزارت د حکومت پراختیايي او اقتصادي پلانونو او پالیسو د تطبیق په برخه کې جدي او عملي اقدامات تر لاس لاندې نیولي دي.
###
