پُل علم ښار د داخلي سړک د بیارغونې له چارو څخه نظارت ترسره شو
۶ / ۱ / ۱۴۴۸
د لوګر ولایت د کور او ښار جوړولو ریاست د انجینري ټیم له لوري د پُل علم ښار د داخلي سړک د بیارغونې له چارو څخه نظارت ترسره شو.
د پُل علم ښار د داخلي سړک د بیارغونې چارې تر دې مهاله ۶۰ سلنه فزیکي پرمختګ کړی دی.
ټاکل شوي کاري پلان له مخې به د سړک د بیارغونې چارې د یوې نيمې میاشتې په موده کې بشپړې او د ګټې اخیستنې لپاره به چمتو شي.
همدارنګه د پروژې د کیفیت د ډاډ ترلاسه کولو په موخه، د کارېدونکو ساختماني موادو معاینه د اړوندو تخنیکي ادارو د استازو په شتون کې په مرکز (کابل) کې ترسره کېږي، څو د کار کیفیت د ټاکل شوو معیارونو سره سم تضمین شي.
