کابل ښار کې د یو شمیر تاریخي ځایونو (جي، پي، ایس) ټکي واخیستل شول
۱۴۴۶/۴/۲۱
د کور او ښار جوړولو وزارت اړوند د تاریخي ابدو او قدیمي ښارونو د ساتنې ریاست محترم رئیس محمود جان دوست وايي، د ریاست اړوند مسؤلینو او متخصصینو یې د کابل ښار په لومړۍ ناحیه کې د یو شمیر تاریخي ابدو او ځایونو لیدنه وکړه او د (جي، پي، ایس) ټکي یې واخیستل.
محترم محمود جان دوست وایي، د (۱۴۰۳) کال د پلان له مخې، د کابل ښار د (۱۱) مې ناحیې څخه لیدنه کوي او تاریخي ځایونه به په نښه کړي، چې د ساتنې لپاره یې لاس په کار شي.
نوموړی وایي، د کاري پلان له مخي يې، د لومړۍ ناحیې څخه لیدنه وکړه چې (۵۶) تاریخي ځایونه تثبیت او د (جي، پي، ایس) ټکي یې واخیستل شول.
هغه ځایونه چې په لومړۍ ناحیه کې په نښه شوي عبارت دي له: پل خشتي مسجد شریف، د کابل عیدګاه، د شکور خان کور، چقرک مسجد شریف، د تیمور شاه قبر، د نورالسلام جامع مسجد شریف او مدرسه، د عاشقانو او عارفانو زیارت، د چارده معصوم زیارت او د معاذ بن جبل مسجد شریف.
د کور او ښار جوړولو وزارت په مرکز او ولایتونو کې د قدیمي ښارونو او تاریخي ابدو د تثبیت، ترمیم او ساتنې کارونه پیل کړي او په دغه برخه کې د پام وړ لاسته راوړنې لري.
