کابل ولایت کې سلګونه متره مربع ځمکه سروې شوه
۱۴۴۶/۷/۸
د کور او ښار جوړولو وزارت د سروې او جي ای، ایس ریاست محترم رئیس حافظ انجنیر محمد یو سف لطیف وایي، د ریاست اړوند تخنیکي او مسلکي ټیم یې کابل ولایت کې څه باندې اتلس زره (18000) متر مربع ساحه توپوګرافي سروې کړه.
ښاغلی انجنیر لطیف وایي، یاد ټیم یې دغه ځمکه د کابل ولایت دهسبز سیمې نولسمه (۱۹) ناحیه کې او د کابل په افشارو سیمه کې توپوګرافي سروې کړه.
نوموړی وایي، له دغې سروې موخه دا وه، چې په نولسمه ناحیه کې د تېلو یو ټانک او په افشارو سیمه کې بیا د افغان کوریا ورکشاپ رامنځته شي.
د کور او ښار جوړولو وزارت له ځمکې د ښې او اغېزمنې ګټې اخیستنې په موخه سروې کوي.
