پکتیا کې د دوه تعلیمي پروژو رغنیزې چارې دوام لري
ښارجوړولو او ځمکو وزارت د پکتیا ولایت په شواک ولسوالۍ کې د شبک ۸ صنفي ښوونځي او په سیدکرم ولسوالۍ کې د حضرت علي ۲۲ صنفي ښوونځی رغنیزې تر کار لاندې لري.
شبک ښوونځی په ۵۳۶ متر مربع ځمکه کې په دوه پوړونو د ۱۸ میلیونه و ۲۰۰ زره افغانیو په ارزښت د پوهنې وزارت له بودیجې جوړیږي او رغنیزې چارې یې ۶۰ سلنه بشپړې شوې دي.
همداراز د حضرت علي ۲۲ صنفي ښوونځي رغنیزې چارې چې تازه پیل شوي دي، په ۱۰۰ متر مربع ځمکه کې په درې پوړونو د ۶۴ میلیونه افغانیو په ارزښت د پوهنې وزارت له بودیجې جوړیږي.
د ویلو ده چې یادې پروژې د هېواد پوهنې وزارت پورې اړه لري چې د رغنیزو چارو له بشپړېدو سره به یې په یادو ولسوالیو کې ښوونکو او زده کوونکو ته د تدریس او زده کړې مناسبه فضا برابره شي.
###
