په کور او ښار جوړولو وزارت کې د فقهي تخریج په موخه د علماء کرامو کمېټه جوړه شوه
۱۴۴۶/۱۰/۳۰
د کور او ښار جوړولو وزارت د محترم سرپرست وزیر الحاج شیخ حمدالله نعماني په شفاهي لارښوونه د تقنیني اسنادو د فقهي تخریج لپاره د علماؤ کمېټه جوړه شوه.
په دغه کمېټه کې د کور او ښار جوړولو وزارت د بېلا بېلو ریاستونو اړوند علماء کرام هر یو د دعوت او ارشاد محترم رئیس مفتي عبدالاحد حقان، د دعوت او ارشاد ریاست محترم مدرس مولوي سید عبدالله مدني، د دعوت او ارشاد ریاست محترم مدرس مولوي عصمت الله څاروان، د ښاري سرغړونو د مخنیوي ریاست محترم رئیس مفتي عبدالمنان حقاني، محترم اداري رئیس مولوي رفیع الله راشد، د تدارکاتو محترم رئیس مولوي فیض الله فیضان، د حقوقي اعتبار ورکولو ریاست محترم مولوي عبدالباري خدام او د حقوقي اعتبار ورکولو ریاست محترم مفتي نصر الله کاکازاده شامل دي.
یاده کمېټه به کار کوي، چې د کور او ښار جوړولو وزارت اړوند موضوعاتو کې فقهي تخریجات وکړي او په تړاو به یې د وزارت له محترم مقام سره راپور شریکوي.
یادې کمېټې خپله لومړنۍ ناسته وکړه، چې په کې یې د ځینو لومړنیو اړو مقدماتو کارونو او اړتیاوو سره بېره د حقوقي اعتبار ورکولو ریاست محترم مولوي عبدالباري خدام د یادې کمېټې د مشر په توګه معرفي کړ.
د معلوماتو له مخې، کله چې دغه علماؤ ته مسائل او موضوعات حواله شي د حنفي فقهې د متداوله او معتبرو کتابونو د تخریج او حوالې وروسته به یې د کمېټې مسؤل ته سپاري، چې له ترتیب او د ټولو غړو تر تائید او لاسلیک وروسته به یې اړوندې مرجع ته سپاري.
