په کابل کې د برېښنا د زیربنایي شبکو څارنه او تخلفات کشف شول
۱۴۴۷/۰۲/۱۸
د کور او ښار جوړولو وزارت د ښاري سرغړونو ریاست محترم رئیس مولوي عبدالمنان حقاني وايي، د دې ریاست اړوند تخنیکي ټیم د کابل ښار د برېښنا د زیربنایي شبکو د پلانونو څارنه وکړه، دغه څارنه د برېښنا شبکې د تخلفاتو د کشف او مخنیوي لپاره ترسره شوه.
ښاغلي مولوي حقاني وویل، تخنیکي ټیم لومړی د دولسم جنکشن اړوند آمریت سره کتنه او همغږي وکړه، بیا یې د بروجونو لکه قلعه وکیل پنځم برج، ۱۵۰ کیلوولت تقویتي برج، قلعه محمد عمر خان برج، قلعه وکیل تقویتي برج، او نوي قلعه وکیل تقویتي برج ساحو څخه نظارت وکړ.
د یادولو ده، دغه څارنه د برېښنا د زیربنایي شبکو د امنیت او ښاري اصولو د پلي کېدو په موخه تر سره شوه.
