په هلمند ولایت کې د روغتیايي کلینیکونو د کار له جریان لیدنه وشوه

1444/11/11
په هلمند ولایت کې د کور او ښار جوړولو ریاست په دې ولایت کې د روغتیايي کلینیکونو د کار له جریان څارنه وکړه.
یاد ریاست د هلمند ولایت په خواجه غریب، حاجي خیل، په کجکي ولسوالۍ کې کوچنۍ سیمه، په نادعلي ولسوالۍ کې د ناصرو او ماتکي روغتیایي کلینیک، د نهرسراج ولسوالۍ روغتیایي کلینیک، په ناوې ولسوالۍ کې د شورشورک روغتیایي کلینیک، په مارجې ولسوالۍ کې د غریبانو او بلوچانو روغتیایي کلینیک او د مهاجرو د روغتیایي کلینیکونو د کانکریټ اچونې، د بنسټ ایښودو د کمیت او کیفیت او د خشتکارۍ له چارو بررسي وکړه.
یاده بررسي د کارونو د لا ښه والي په موخه وشوه تر څو چارې د شرط پاڼې مطابق په معیاري او د انجنیري اصولو مطابق مخته لاړې شي .
دغه راز قراردادي شرکتونو ته لازمې لارښوونې هم وشوې.
د کور او ښار جوړولو وزارت د تعمیرونو له چارو نظارت کوي، تر څو د ودانیو کارونه په ښه کیفیت د اصولو سره سم په معیاري ډول سرته ورسېږي.