په غزني ولایت کې د مسجد شریف ودانیزې چارې پیل شوې
۱۴۴۶/۴/۲۸
د غزني ولایت د کور اوښار جوړولو ریاست محترم رئیس مولوي نورولي بلال متقي وایي، د دې ریاست د انجنیرانو لخوا په ده یک ولسوالۍ کې د یو باب مسجد شریف خط اچونه تر سره شوه.
ښاغلي مولوي متقي وویل، یاد مسجد شریف په ده یک ولسوالۍ کې موقعیت لري چې مالي لګښت یې د سیمې خلک ور کوي، نقشه یې د کور او ښار جوړولو ریاست لخوا طرحه او ډیزاین شوې ده چې اوس یې د نقشې مطابق خط اچونه تر سره شوه.
د کوراو ښار جوړولو وزارت د ادارو په غوښتنه د اداري تعمیرونو او نورو ودانیو لپاره نقشې طرحه او ډیزاین کوي او له ودانیزو چارو یې څارنه کوي.
