په سمنګان، غور او کندز ولایتونو کې په شرایطو برابرو سیموکې د تیلو پمپ سټیشنونو جوړولو ته اجازه ور کړل شوه
۱۴۴۵/۷/۲۶
د کور او ښار جوړولو وزارت د ښاري چارو محترم مرستیال شیخ مدارعلي کریمي بامیاني په مشرۍ د ښاري نقشو د ویزه کولو کمېسیون خپله نوبتي دوه دېرشمه ناسته وکړه او پر بېلا بېلو اړوندو موضوعاتو یې نظرونه تبادله کړل.
په ناسته کې، د هېواد په بېلا بېلو ولایتونو کې د تېلو د پمپ سټېشنونو پر جوړولو بحث وشو.
د تېلو پمپ سټېشنونو د جوړولو په موخه، د سوداګرۍ وزارت، کرنې، اوبو لګولو او مالدارۍ وزارت، د ټولګټو چارو وزارت، کور او ښار جوړولو وزارت، د برښنا محترم ریاست، د اړونده ولایتونو د امنیې قوماندانیو، د اور وژنې ریاست او د سیمې د اوسېدونکو نظرونه دقیق وڅېړل شول او وروسته په لاندې ولایتونو کې د تېلو د پمپ سټیشنونو فعالیت ته اجازه ورکړل شوه.
سمنګان ولایت کې محترم محمد حکیم د محمد ابراهیم زوی ته، غور ولایت کې محترم اسرائیل د سید انور زوی ته او کندوز ولایت کې محترم احمد فرید د جمعه خان زوی ته د اسنادو تر څېړلو وروسته د تېلو د پمپ سټېشن د جوړولو اجازه ورکړل شوه.
دغه راز، په بامیان، ننګرهار، غور، سرپل، سمنګان او تخار ولایتونو کې د ځینو پمپ سټېشنونو جوړولو اسناد په بشپړهدتوګه نه و پروسس شوي، چې د طی مراحل او د ځمکو د تثبیت په موخه لازمې سپارښتنې وشوې.
د ناستې په دوام، غور ولایت په مرکز، کندهار ولایت په اتمه ناحیه او د کندز ولایت په امام صاحب ولسوالۍ کې د تېلو د پمپ سټېشنونو د جوړولو غوښتنې د ځینو دلایلو له امله رد شوې.
