په خوست ولايت کې د يو ښوونځي د جوړېدو چارې د بشپړېدو په حال کې دي
ښار جوړولو او ځمکو وزارت د پېش ساخت قطعاتو د تولید فابريکې پر مټ د خوست ولايت د موسیخيلو ولسوالۍ په لجهمنګل سيمه کې د لس صنفي ښوونځي د جوړېدو چارې ۹۰ سلنه بشپړې کړي او ډير ژر به يې ګټې اخېستنې ته وسپاري.
د ښوونځي لپاره دا ودانۍ په ۱۵۱۶ متر مربع ځمکه کې په دوه پوړيز ډول د ماليي وزارت له انکشافي بوديجې څخه په ۲۵ ميلیونه ۲۵۰ زره افغانيو جوړيږي.
ښار جوړولو او ځمکو وزارت هڅه کوي چې د هېواد په ګوټ ګوټ کې د ښوونځيو لپاره د ودانيو په جوړولو سره ښوونيز بهير ته لار پراختيا ورکړي او زدهکوونکو ته مناسب ښوونيز چاپيريال برابر کړي.
