په خوست او بامیان ولایتونو کې د شته ښاري ستونزو پر حل خبرې وشوې
۱۴۴۵/۱۱/۱۹
د کور او ښار جوړولو وزارت محترم سرپرست وزیر شیخ حمدالله نعماني، په خپل کاري دفتر کې د بامیان ولایت د کور او ښار جوړولو له رئیس محترم انجنیر امان الله امان او د خوست ولایت د کور او ښار جوړولو ریاست له محترم آمر سره وکتل.
په کتنه کې، د خوست او بامیان ولایتونو د شته ښاري ستونزو د جوړ شوو پلانونو په تسلمۍ او د ځینو هغو په بیا پرنټ کولو خبرې وشوې.
د کور او ښار جوړولو وزارت محترم سرپرست وزیر شیخ حمدالله نعماني، د دواړو ولایتونو راغلو مسؤلینو ته د شته ښاري ستونزو د حل برخه کې لازمې سپارښتنې وکړې او اړوندو څانګو ته یې لارښوونه وکړه چې د پلانونو په بیا پرنټ او تسلیمۍ برخه کې د یادوو ولایتونو ستونزې حل کړي.
ښاغلي وزیر، ځینې مواردو ته اشاره وکړه چې په عملي کېدا سره به یې د منظمې ښاري ودې او پراختیا چارې چټکې شي.
