په جوزجان ولایت کې له ښاري پلان سره مخالفې ودانۍ ودرول شوې
۱۴۴۷/۰۱/۲۰
د کور او ښار جوړولو وزارت د ښاري سرغړونو ریاست د محترم رئیس مولوي عبدالمنان حقاني په لارښوونه، د جوزجان ولایت د د کور او ښار جوړولو ریاست د ښاري سرغړونو ټیم د اړوندو امارتي ادارو له استازو سره یو ځای د L پراختیایي پروژې له تطبیق او ښاري نقشې څخه نظارت وکړ.
ښاغلي مولوي عبدالله فیضان وویل، د یادې څارنې پر مهال څرګنده شوه چې یو شمېر هټۍ د پروژې له نقشې سره په ټکر کې وې، د شنې ساحې او لوړپوړیزو سوداګریزو مارکیټونو په مشخصو ساحو کې په ناقانونه ډول اعمار شوي دي.
د نوموړي په خبره، یاد کار د ښاري اصولو او مقرراتو ښکاره سرغړونه ده او د سرغړونکو هټیو ودانیزې چارې ودرول شوې، مسؤولینو ته لارښوونه وشوه چې خپل فعالیتونه دې د تائید شوې نقشې او پراختیایي پلان مطابق سره تنظیم کړي.
