په تخار ولایت کې له ۲۱ ودانیزو پروژو څخه څارنه وشوه
۱۴۰۱/۰۱/۰۳
د ښار جوړولو او ځمکو وزارت له تحول وروسته په تخار ولایت په بېلا بېلو سیمو کې د ۲۱ ودانیزو پروژو له چارو څارنه وکړه.
دغه راز د استناف محکمې د امنیتي برج براورد، د یو باب مسجد د محراب طرحه، ډیزاین او انجنیري، د مستوفیت د ودانۍ د ویجاړې شوې برخې د موزایکو او دویم رنګ، او د استناف محکمې د ریاست د تاسیساتو د ترمیم لومړنی براورد هغه فعالیتونه دي چې په تخار ولایت کې د ښار جوړولو او ځمکو ریاست لخوا ترسره شوي دي.
د ټولګټو پروژو رامنځته کول د ښار جوړولو او ځمکو وزارت له لومړیتوبونو څخه دي او دغه راز یاد وزارت د پراختیایي او اقتصادي تګلارو او پلانونو په پلې کولو کې چټک او پياوړي ګامونه پورته کوي.
