پروان ولایت کې د ترانسپورټ امریت د اداري تعمیر له ودانیزو چارو څارنه وشوه
![picture](/sites/default/files/2024-05/whatsapp_image_2024-05-25_at_12.53.34_pm.jpeg)
۱۴۴۵/۱۱/۱۶
د پروان ولایت د کور او ښار جوړولو ریاست محترم رئیس انجنیر نعمت الله حنیف وايي، د دې ریاست تخنیکي ټیم په یاد ولایت کې د ترانسپورټ امریت د اداري تعمیر د ودانیزې پروژې له چارو څارنه وکړه.
ښاغلي حنیف وویل، د ترانسپورټ امریت د اداري تعمیر چارې شاوخوا ۷۰ سلنه پر مخ تللي، چې د لومړي او دویم پوړ کارونه یې بشپړ شوي دي، د درېیم چت کانکرېټ اچونه روانه ده او په خبره یې تر دې دمه د پروژې چارې په ښه شکل مخته روانې دي.
نوموړي وویل، قراردادي شرکت ته لازمې لارښوونې او سپارښتنې وشوې، تر څو د پروژې چارې د شرطپاڼې مطابق په انجنیري اصولو برابرې سرته و رسوي.